Раздзел “Мастакі і скульптары” ("Художники и скульпторы") сфарміраваны на аснове кнігі Ігара Ціткоўскага “Мастакі Случчыны” (Слуцк. 2006. Раздзел “Мастакі ХХ стагоддзя”). Натуральна, што за час, які прайшоў пасля выхаду кнігі, адбыліся пэўныя змены. Некаторая інфармацыя атрымала ўдакладненні або дапоўнілася новымі фактамі. З"явіліся магчымасць пазнаёміць чытачоў з новымі імёнамі. Акрамя таго, на сайце ёсць магчымасць прадставіць большую колькасць твораў мастакоў, чым таго дазваляў фармат кнігі. Таму інфармацыя ў гэтым раздзеле не будзе дакладна адпавядаць раздзелу вышэй згаданай кнігі.
Яшчэ раз звяртаем увагу на тое, што ў раздзеле прыводзяцца звесткі пра мастакоў, чыё паходжанне і творчасць звязаны з нашым краем; таксама і пра мастакоў – ураджэнцаў іншых месцаў, але чыя творчасць належыць Случчыне. Звяртаецца ўвага і на землякоў, чыя творчасць праходзіла або адбываецца ў іншых месцах. Не абмінуты ўвагай і не мясцовыя мастакі, у якіх тэма Случчыны прысутнічае эпізадычна, аднак для нас можа стаць цікавай крыніцай вывучэння гісторыі і культуры нашага краю.
 

 
Размяшчэнне новых матэрыялаў у раздзеле “Мастакі і скульптары” адбываецца пры непасрэдным удзеле і пад кантролем аўтара – Ігара Ціткоўскага.