Родчанка Рыгор Віктаравіч

Родчанка Рыгор Віктаравіч

Родченко Григорий Викторович
(Родчанка Рыгор Віктаравіч)

 

Нарадзіўся 15 ліпеня 1929 года ў сяле Няхаева Луганскай вобласці Украінскай ССР. У 1932 годзе сям"я пераехала на радзіму маці ў Капыльскі раён. У час Вялікай Айчыннай вайны ваяваў у партызанскім атрадзе (з 1942 года). Закончыў Беларускі дзяржаўны ўніверсітэт. З 1959 года жыў у Слуцку, працаваў настаўнікам у школе. Аўтар кніг “Альгерд Абуховіч-Бандынэлі. Нарыс жыцця і творчасці” (1984), “Старэйшая школа Беларусі” (1985), “Слуцкая старасветчына” (1991). Памёр у 1994 г. (з кнігі “Памяць”).

Напрыканцы 2011 года ў мінскім выдавецтве «РИФТУР» выйшла кніга нашага земляка, пісьменніка Яўгена Гучка “Ах, Родчанка!.. Колькі слоў наўздагон юбілею”. У ёй расказваецца пра знакамітага слуцкага краязнаўца, пісьменніка, фалькларыста, настаўніка Рыгора Віктаравіча Родчанкі.

 

З Рыгорам Родчанкам Яўген Сяргеевіч не толькі быў добра знаёмы, але і сябраваў з ім. Таму ў аснову апавядання перш за ўсё паклаў свае асабістыя ўспаміны. Выкарыстоўваюцца таксама і звесткі, атрыманыя ад колішніх калег, сяброў або знаёмых. На сёняшні дзень гэта першае выданне, прысвечанае Родчанку. У ім знойдзем інфармацыю пра жыццё, літаратурную і краязнаўчую творчасць чалавека, які перад чытачом паўстае як асоба цэльная, са сваім багатым унутраным светам, са сваімі поглядамі. Можна не сумнявацца, што кніга будзе цікавай не толькі тым, хто быў знаёмы з краязнаўцам, але кожнаму, хто неабыякава ставіцца да гісторыі Бацькаўшчыны, да гісторыі і культуры нашага краю – Случчыны.

 

Аўтар ласкава падаў нам сваю кнігу ў электронным варыянце, і мы настойліва рэкамендуем Вам яе прачытаць (Скачать PDF - 4,44 Мб).